Работнички го почувствува духот на Будимпешта
Фудбалерите и стручниот штаб на Работнички од вчера се во Будимпешта, во очекување на реванш мечот против Хонвед, во рамките на првото квалификациско коло во Лигата на Европа. Денешното претпладне беше искористено за прошетка низ убавата Будимпешта, а попладне ќе следат прес – конференција и официјалниот тренинг на нашиот тим на стадионот „Јожеф Божик“.
Натпреварот меѓу Хонвед и Работнички е закажан за вторник, со почеток во 18 часот. По првиот дуел, Работнички има предност од 2-1.
