Биди „,мадридиста“, пријави се на кампот на ФК Работнички и Real Madrid Foundation Clinic
Фудбалскиот клуб Работнички во соработка со „Еуроспорт Арена“ ќе биде коорганизатор на кампот „Real Madrid Foundation Clinic”, кој од 17 до 21 јуни ќе се одржи во нашиот комплекс во Градски парк. На кампот се добредојдени сите млади фудбалери од академијата на ФК Работнички, кои ќе имаат уникатна и возбудлива можност за специјализирана фудбалска обука од тренери на Реал Мадрид Фондација, во соработка со тренерите од нашиот клуб, кои ќе работат според уникатниот пристап и методите за обука на Реал Мадрид Фондација Клиник. Пријавувањето трае до 10 јуни.
ПЕТДНЕВНА ТРЕНИНГ СЕСИЈА
Тренинг сесиите се меѓу најиновативните во светот и за време на училишните одмори. Можност за учество на девојчиња и момчиња кои имаат љубов кон фудбалот и се на возраст меѓу 7 и 17 години.
Тренинг сесиите ќе се одржуваат од понеделник до петок, од 9 -14 часот.
Десетте тренинзи се креирани од младинската академија на Реал Мадрид. Нашата професионална екипа на квалификувани тренери ќе Ви бидат предизвик и ќе ве охрабрат да ги користите најновите методи на обука.
ПАТУВАМЕ ВО МАДРИД
Тренерите од Шпанија ќе одберат играчи (однесување и вештина) од секој фудбалски камп на Clinic во Македонија и ќе им дадат шанса да присуствуваат на изборниот камп во Шпанија.
Една недела во градот Мадрид, на тренинг комплексот Валдебебас е врвно доживување и еден од најексклузивните настани за млади фудбалери во светот.
Организаторот Еуро Спорт Арена за секој учесник на кампот Clinic ќе обезбеди оригинал спортска опрема од официјалниот партнер Реал Мадрид Фондација која останува во сопственост на учесникот и се состои од: дрес, шорцеви и штуцни.
Clinic – СкопјеКраен рок за пријавување 10 Јуни 2019
Максимален број на дозволени учесници 100
7-17 години
