Лука Станковски потпиша тригодишен договор со Работнички
Младиот и талентиран фудбалер за врска Лука Станковски потпиша професионален договор со Работнички. Тој стави потпис за верност на три години, а веќе сериозно се наметнува кај шефот на стручниот штаб Александар Влахо во сениорскиот погон.
Лука Станковски е македонски репрезентативец и еден од најнадежните млади фудбалери во нашата земја. Тој е син на поранешниот тренер на Работнички и македонски репрезентативец Горан Станковски. Во сениорскиот тим на Работнички е и неговиот повозрасен брат, Марио Станковски.
