Марјан Стојановски ќе го суди мечот Работнички – Ренова
Работнички в петок (15 часот) ќе го пречека составот на Ренова во премиерниот меч од 9.коло во Првата фудбалска лига кој ќе биде директно пренесуван на регионалниот спортски канал „Арена Спорт“ и на МТВ. Одредени се официјалните лица за овој натпревар.
Главен судија ќе биде Марјан Стојановски од Кичево, а ќе му помагаат Слаѓан Маркоски (Гостивар) и Ебрар Таравари (Гостивар). Четврти судија ќе биде Александар Грујоски (Кичево).
За делегат на натпреварот е одреден Драган Јорданов (Велес), а контролор на судењето ќе биде Ѓорѓе Гоцевски (Струмица).
