Влахо: Работнички загуби од Шкендија, но го прикажа најквалитетното издание оваа сезона
Работнички го заокружи првиот круг од шампионатот во Првата фудбалска лига со пораз (2-0) од актуелниот првак Шкендија во Тетово. Но, и покрај тоа, младиот тим на Работнички веројатно на ова гостување го прикажа најквалитетното издание оваа сезона.
„Доживеавме пораз од Шкендија, но ако го погледнеме изданието на тимот во целина, тоа е можеби најквалитетниот меч на Работнички оваа сезона. Има многу позитивни моменти, би сакал да продолжиме со таква игра и на наредните натпревари и верувам дека ќе дојдат многу подобри резултати“, вели шефот на стручниот штаб, Александар Влахо.
Во следното 12. коло, Работнички в сабота ќе му гостува на Борец во Велес.
