Бојан Тимевски ново засилување на Работнички

Работнички доведе ново име на голманската позиција по заминувањето на репрезентативецот Ристе Јанков. Ново засилување на нашиот тим е Бојан Тимевски кој доаѓа од второлигашот Тетекс.

Тимевски има 22 години и треба да биде квалитетна конкуренција на Бурхан Мустафа. Тој кариерата ја почна во младинската академија на Вардар.

Утре Работнички ќе одигра пријателски натпревар против Кожуф во Гевгелија, што ќе биде последен тест за составот на Борче Христов пред стартот на пролетниот дел од првенството.