ФК Работнички потпиша Меморандум за соработка со ФК Кожуф
Во рамките на стогодишнината од постоењето на клубот домаќин, претседателот Драган Поповски и спортскиот директор Горан Станковски во името на ФК Работнички потпишаа Меморандум за соработка со претседателот и спортскиот директор на ФК Кожуф, Никола Танчевски и Лазар Шуклев.
Ова е почеток на нова значајна соработка меѓу двата клуба со долга фудбалска традиција. Преку заедничките проекти ќе биде овозможено поттикнување и развој на фудбалот во овој регион, а особен фокус ќе бидат младите фудбалски таленти. Ќе има размена на искуства и меѓу тренерите, фудбалските академии и кадровските структури.
На денешното потпишување на Меморандумот за соработка присуствуваа и членовите на ветеранската секција на ФК Работнички.
Сениорските тимови на Кожуф и на Работнички одиграа пријателски натпревар во Гевгелија кој заврши без голови.
