Реми без голови против Скопје
Работнички одигра реми без голови на гости против Скопје на стадионот „Автокоманда“ во десеттото коло од Првата фудбалска лига. Тимот на Милан Илиевски може да жали и за трите бода, со оглед дека пропушти неколку одлични шанси за гол.
Гандо Биала во првиот дел имаше одлична можност да го отвори резултатот, но Ефремов го одбрани неговиот удар.
Во продолжението, Анес Рушевиќ имаше две одлични шанси. Првиот пат шутираше непрецизно, а во вториот, по обидот на Марио Станковски, требаше да реагира побрзо и со експресна реакција да ја испрати топката во мрежата. Се одлучи да прави потег повеќе и одбраната на Скопје на крајот успеа да блокира и да ја расчисти опасноста.
По ова реми, Работнички се наоѓа на седмата позиција на табелата со 11 бода, а во следното коло на домашен терен ја пречекува Шкендија.
