Реми без голови против Гостивар

Работнички одигра реми без голови против Гостивар во 15.коло од Првата фудбалска лига. На овој натпревар своето деби на клупата го имаше новиот шеф на стручниот штаб, Гоце Седлоски.

На почетокот од натпреварот, сериозна повреда заработи младинскиот репрезентативец Матеј Ангелов. Судијата Јован Качевски на противничкиот фудбалер му додели само жолт картон.

На почетокот на второто полувреме, Алпер Потук излезе сам пред голот на Работнички, но Игор Алексовски успеа да одбрани со одлична интервенција, а топката заврши во гредата и потоа во корнер.

Во финишот, Работнички можеше да стигне до триумф. Во убава шанса влезе Марселин Гандо Биала, кој шутираше од непосредна близина, но Бујар Абази успеа да одбрани. Во следниот напад и Такахара се закани на спротивната страна, а топката мина крај дирекот.