Дефанзивецот Јасмин Мециновиќ е новото засилување на Работнички. Тој ќе ја зголеми конкуренцијата во одбраната на тимот предводен од Бојан Маркоски, во пресрет на квалификациите за Конференциската лига и новата сезона во Првата македонска фудбалска лига.
Мециновиќ пристигнува од Вардар, каде што ја мина минатата сезона.
34-годишниот стопер има богата кариера и настапувал за повеќе клубови во македонскиот шампионат, вклучувајќи ги Скопје, Пелистер, Струга Трим Лум, Хоризонт Турново, Ренова, Македонија ЃП и Беса. Покрај тоа, има искуство и во странство каде играл за Шериф Тираспол (Молдавија), Егри и Ломбард Папа (Унгарија), Согндал (Норвешка), Банантс (Ерменија), Мелака (Малезија), Трепча и Феризај (Косово), Нејмех (Либан), како и за Рудар Пљевља и Подгорица (Црна Гора).
