Ставрев ќе го суди дербито со Пелистер во Битола
Александар Ставрев е делегиран за главен судија на дерби натпреварот од 4. коло во Првата македонска фудбалска лига кој нашата екипа ќе го игра против Пелистер на 27. август со почеток од 16:30 часот на стадионот „Под Тумбе кафе“ во Битола.
На Ставрев ќе му помогаат Марјан Кировски и Дејан Костадинов, а четврти судија ќе биде Тоше Ицев од Кавадарци. Делегат на натпреварот ќе биде Виктор Сотироски, а контролор Благој Шуклев од Стојаков.
Натпреварот во Битола ќе биде со пет судии, а дополнителни судии ќе бидат Стојанче Трпчевски и Зоранчо Темелков, и двајцата од Кавадарци.
