Марјан Маркоски ќе го суди неделниот првенствен меч, Работнички – Шкупи
Работнички в недела (14.30 часот) ќе му биде домаќин на Шкупи во рамките на 11.коло од Првата фудбалска лига. Одредени се официјалните лица за овој натпревар.
Дуелот ќе го суди Марјан Маркоски од Охрид, а негови помошници ќе бидат Жарко Тодоровски (Охрид) и Ацо Мацевски (Струга). Четврти судија е Марјан Стојановски (Кичево).
За делегат на натпреварот е одреден Јовче Попоски (Охрид), а контролор на судењето ќе биде Делчо Јакимовски од Скопје.
Работнички во пресрет на 11.коло се наоѓа на третата позиција на табелата со 16 освоени бода, а Шкупи е шести, со 10 бода, и еден одигран натпревар помалку.
