Кросфит и кикбокс на менито на Треневски (ФОТОГАЛЕРИЈА)
Период е на базични зимски подготовки, па тренерот Виктор Треневски се обидува да им го разубави менито за тренинзи на своите фудбалери. Снегот создава одредени проблеми на терените, но затоа нашите фудбалери дел од тренинзите реализираат во затворен простор, вежбајќи кросфит и кикбокс. За вештините од кикбоксот се погрижи професионалниот тренер Драган Атанасовски, инаку тренер во КБК Гладијатор.
Секако, не се заобиколува ниту редовната километража испланирана за овој дел од подготовките, но акцентот е ставен и на подобрување на физичките способности на фудбалерите.
