Ставрев ќе го суди натпреварот Работнички – Шкендија
Работнички в среда ќе ја пречека Шкендија на „Телеком Арена“, со почеток во 16 часот, во рамките на 25.коло од Првата фудбалска лига на Македонија. Познати се официјалните лица за овој натпревар.
Натпреварот ќе го суди Александар Ставрев од Скопје, а ќе му помагаат Марјан Кировски и Дејан Костадинов. Четврти судија е Дејан Димитријевиќ. Судии зад голот се Константин Влахо и Дарко Стојчевски (сите од Скопје).
За делегат на натпреварот е одреден Добре Марков од Пробиштип, а контролор на судењето ќе биде Ацо Мировски од Скопје.
