Мечкаровски ќе ја дели правдата на мечот со Вардар
Димитар Мечкаровски ќе биде главен судија на мечот меѓу Работнички и Вардар од 3. коло во Првата македонска фудбалска лига.
Согласно ждрепката во ФФМ за делители на правдата во 3. коло, на Мечкаровски ќе му помагаат Дејан Неделкоски и Гоце Петрески, и двајцата од Скопје, а четврти судија ќе биде Никола Караколев од Штип. Дарко Стојчевски од Скопје и Стојанче Стојанов од Штип ќе бидат дополнителните судии на натпреварот.
Натпреварот меѓу Работнички и Вардар од 3. коло во ПМФЛ, кој требаше да се одигра овој викенд, е одложен поради европските настапи на противникот. Терминот на истиот ќе биде дополнително одреден.
