Работнички го комплетираше своето трето засилување во летниот преоден рок, подготвувајќи се за настапите во квалификациите од Конференциската лига, како и за новата сезона во Првата македонска фудбалска лига.
Нашиот клуб потпиша двегодишен договор со 23-годишниот бразилски офанзивец Калани Карилјо Дос Сантос Алмеида. Тој доаѓа од Словенија, каде што настапуваше за НК Горица и НК Томлин, а претходно во својата татковина играше за младинскиот погон на Атлетико Минеиро, како и за Ботафого-ПБ и Маринга. Има искуство и од Португалија.
Со ангажманот на Алмеида, тимот на Бојан Маркоски добива нова офанзивна опција во пресрет на европските предизвици.
Пред него, клубот веќе ги ангажираше голманот Васко Василев и напаѓачот Дашмир Елези.
