Работнички остватри важна победа над Пелистер, славејќи со 2-1 во возбудлив меч од 28. коло на Првата македонска фудбалска лига. Иако гостите од Битола први се радуваа, нашиот тим не се откажа и со два гола на расположениот Гандо Биала направи целосен пресврт.
Мечот започна активно, Работнички веднаш даде до знаење дека сака трите бода. Прв се закани Абега Енианг, потоа и Аломеровиќ, но гостинскиот голман Јовчевски беше сигурен. Пелистер делуваше повлечено, но не беше безопасен – токму капитенот Мирко Ивановски во 39. минута го искористи еден одреден момент на конфузија во одбраната и ја смести топката во мрежата на Игор Алексовски за 0-1. Тоа беше резултатот со кој се замина на пауза.
Во второто полувреме, Работнички тргна уште поенергично. Прво им беше поништен гол поради офсајд, но тоа не ги обесхрабри. Напротив – продолжија со притисокот. Во 65. минута Гандо Биала, по одлично нафрлување, скокна највисоко и со глава донесе израмнување.
Драмата се зголемуваше. Робакидзе се обиде со соло пробив, потоа го погоди и дирекот, но вистинската експлозија на радост дојде во 88. минута. Брз продор по левата страна од Далеј, ниско нафрлување во шеснаесетникот, а Гандо уште еднаш беше на вистинското место – 2-1 за еуфорија на трибините!
Со оваа победа, Работнички се зацврсти на третото место на табелата со 52 бодa, во пресрет на последните пет кола од шампионатот, во трката за излез во Европа.
