Работнички му упатува благодарност на Горан Станиќ за посветеноста во работата и максималниот ангажман додека ја извршуваше функцијата шеф на стручниот штаб. Заедно постигнавме многу, го вративме клубот на европска сцена по пауза од седум години.
Благодариме шефе, за сѐ.
Договорот на Горан Станиќ со Работнички е истечен со завршувањето на сезоната во Првата лига, а тој во иднина ќе мора да се фокусира на својата улога како селектор на младата репрезентација на Македонија до 21 година, позиција која ја извршуваше паралелно со клупската во вториот дел од сезоната.
Работнички на Горан Станиќ му посакува многу успех во професионалните ангажмани и здравје и среќа на личен план.
