Работнички го доби и вториот потенцијален противник на европската сцена. Доколку нашиот тим успее да го елиминира Торпедо-Белаз од Белорусија во првото коло, тогаш ќе се соочи со вистински европски предизвик – Макаби Хаифа од Израел.
Израелскиот клуб е редовен учесник во групните фази на европските натпреварувања и важи за еден од најискусните и најсилните тимови во регионот. Таков дуел би бил огромен тест за амбициите и квалитетот на Романтичарите на тренерот Бојан Маркоски на европската сцена.
Првиот меч од второто квалификациско коло во Конференциската лига ќе се одигра на 24 јули, а реваншот е на 31 јули.
