Работнички успеа да направи пресврт (1-2) против Гостовар во важниот меч за излез во Европа, во 29.коло од Првата фудбалска лига. Пред крајот, откако Работнички постигна два гола, преку Ангелов и Далеј, фудбалерите на Гостивар одлучија да го напуштат теренот. Сепак, тоа секако не го намалува успехот на нашиот тим на овој дуел.
Матеј Ангелов одигра одличен меч, беше стрелец на израмнувачкиот гол во 79.минута, кој му го посвети на Андреј Лазаров, поранешниот член на Работнички, кој го загуби животот во големата трагедија во Кочани.
Откако го постигна погодокот, Ангелов го соблече дресот и ја покажа маичката со ликот на Андреј Лазаров. Потег за респект. Андреј Лазаров никогаш нема да биде заборавен!
Фото: Игор Паневски
