Работнички ги почна подготовките за новата сезона, во која ќе настапува во квалификациите за Конференцската лига. Со Бојан Маркоски како нов предводник, и во некомплетен состав, со оглед дека дел од фудбалерите добија и продолжен одмор, „романтичарите“ го одработија првиот тренинг.
Од утре тимот на Работнички се сели во Маврово каде ќе ја одработи првата фаза од подготовките.
Паралелно, раководството работи и на ангажман на нови засилувања.
