Работнички убедливо го совлада Пелистер со 3-0 во натпреварот од шестото коло во Првата македонска фудбалска лига. Средбата на Арената „Тодор Проески“ понуди три погодоци, сите во мрежата на битолчани.
На самиот почеток голманот Василев двапати интервенираше, а особено при шансата на Лука Булатовиќ кој излезе сам пред голот, но не реализираше. По почетниот притисок на Пелистер, Работнички се стабилизира и преку Кадриу почна да создава шанси. Тој ја отвори серијата со гол во 31. минута, кога излета зад одбраната и прецизно реализира за 1-0.
До крајот на првото полувреме, Работнички ја зголеми предноста. Во 43. минута, Димитар Трајков одлично прими долга топка, го мина својот чувар и со прецизен удар ја погоди мрежата за 2-0.
Во вториот дел, Пелистер се обиде да се врати во игра, но безуспешно. Работнички ја задржа контролата, а конечниот резултат го поставија повторно Трајков и Кадриу. Во 75. минута, Трајков се проби по левата страна и асистираше на петерецот, каде Кадриу одлично реагираше за конечни 3-0.
Ова е прва победа за Работнички во новата сезона, со која тимот стигна до четири освоени бода, а има и еден одигран меч помалку, одложениот дуел со Шкендија.
