Работнички е елиминиран уште на стартот од европската авантура. Белорускиот тим Торпедо-Белаз славеше и на реваншот во Скопје со резултат 0-1, и со вкупни 0-4 сосема заслужено избори пласман во второто квалификациско коло од Конференциската лига.
По поразот на првиот натпревар, Работнички се надеваше дека ќе успее да возврати на домашен терен. Но, се покажа дека Торпедо-Белаз е посилен и поквалитетен противник.
Клучниот момент на денешниот натпревар се случи во 14. минута.
Стивен Алфред ја искористи слабата реакција на одбраната на Работнички и со удар со глава, по изведен корнер од левата страна, постигна гол за Торпедо-Белаз. Со овој погодок паднаа сите надежи дека Работнички може да направи пресврт во овој двомеч.
