Работнички забележа пораз (2-1) од Шкендија во 31.коло од Првата фудбалска лига. Сепак, и покрај поразот, тимот на Горан Станиќ прикажа допадлива игра, посебно во второто полувреме, кога имаше шанси и за израмнување.
Мечот започна идеално за домаќините – уште во петтата минута Лиридон Латифи погоди за водство, на асистенција од Рамадани. Тетовчани во 33. минута преку Фабрис Тамба ја зголемија предноста на 2-0, откако тој реализираше по прецизната дијагонала од Алхасан.
Во вториот дел, Работнички доби шанса да се врати преку пенал – Кристоџеј Далеј реализираше за 2-1 во 62. минута.„Романтичарите“ имаа шанса и за израмнување, Гандо Биала шутираше од прва по уфрлувањето на Далеј од левата страна, но Амзаи успеа да одбрани.
На спротивната страна, Алексовски со одлична одбрана го скроти ударот на Бесарт Ибраими.
