Работнички донесе уште едно квалитетно засилување во одбраната во пресрет на настапите во квалификациите за Конференциската лига и новата сезона во Првата македонска фудбалска лига. Искусниот дефанзивец Виктор Велкоски (29) потпиша едногодишен договор со клубот.
Велкоски се враќа во тимот од Дебар Маало, каде настапуваше и во сезоната 2019/20.
Неговиот последен клуб беше казахстанскиот Туран.
Во текот на својата кариера Велкоски има играно и за Љубанци, Пелистер, Вардар, Скопје, Победа Прилеп, Брегалница, како и за странските клубови Егиниакос (Грција), Лачи (Албанија) и Туран (Казахстан).
