Четворица „романтичари“ во А-тимот, тројца меѓу „надежите“

Пауза е во првенството поради репрезентативните настапи, а Работнички ќе има значителен број на свои претставници во националните селекции. Четворица фудбалери на нашиот клуб добија повик од селекторот на А-репрезентацијата, Љубинко Друловиќ, во пресрет на квалификациските натпревари против Украина во Скопје и Белорусија на гости.

Кире Ристевски, Мите Цикарски, Милован Петровиќ и Баже Илијоски ќе имаат обврски во нашата сениорска селекција, како и тренерот Игор Ангеловски, кој е прв асистент во стручниот штаб на Друловиќ.

Во младата репрезентација до 21 година повикани се Дамјан Шишковски, Леон Најдовски и Кире Маркоски.