Марјан Маркоски ќе го суди мечот Работнички – Силекс
Работнички в недела (16 часот), на стадионот во Ѓорче Петров ќе го пречека Силекс во рамките на 29.коло од Првата фудбалска лига, второ од плејофот. Одредени се и службените лица за овој натпревар.
Правдата на овој дуел ќе ја дели судијата Марјан Маркоски (Охрид), а ќе му помагаат Жарко Тодоровски (Охрид) и Кирил Негриевски (Струга). Четврти судија е Симеон Стефков (Скопје).
Делегат на натпреварот е Ајетали Дервиши (Тетово), а за контролор е одреден Марјан Ристески (Кичево).
