Работнички како дома во Терме Чатеж (ФОТО)
Експедицијата на Работнички од денеска се наоѓа во Терме Чатеж, Словенија, каде ќе го реализира вториот дел од летните подготовки. Шефот на стручниот штаб Томислав Франц поведе 22 фудбалери, кои ќе минат низ три теста, подготвувајќи се настапите во квалификациите од Лигата на Европа.
На 8 јуни, Работнички ќе одигра пријателски натпревар со словенечкиот нисколигаш АКС Браво, три дена подоцна е контролата со НК Загреб, а „генералката“ ќе биде на 14 јуни, против кипарскиот прволигаш Омонија, меч кој ќе се одигра во Бишофсхофен.
